「她說拍拖四年，要婚還是要分？ 我仲係鍾意佢，但未想結婚住。 結婚，咪即係要放棄一大片森林、自我規限？！ 好似好大壓力咁… 而家好地地，何必自找麻煩呢？」 A君面對女友催婚的壓力，明顯心態上抗拒。 「你而家唔使自我規限咩？」B君回應。 「而家呢刻都仲可以，長遠我都承諾唔到自己啲咩！唔知將來會點…」 A君大嘆一口氣，望向B君。 「你當時點決定踏入婚姻嫁？」 「一時衝動加半推半就囉！」B君說。 「吓？！咁嫁？聽落去你後悔喎！ 平時見到你同阿嫂好SWEET SWEET咁，估唔到…」A君感到驚訝。 B君用力的回道：「嘈交、俾人哦、俾人管時、見到有靚女自動埋身時，當然後悔啦！」 「但……我都仲未離婚，結婚都有結婚的好，你結左婚就明嫁喇！」 A君默不作聲，心裡嘮叨著：「X#@$!#^$#%!！講完等於無講！我就係想聽下結婚有咩好嘛！」 然後繼續托腮靜想：究竟點解咁多人「明知山有虎，偏向虎山行」？ … … 在婚姻價值漸漸式微的年代，「為一棵樹放棄一片森林」愚蠢嗎？ 仔細想想，面對大片森林，你可隨時選擇在一棵樹下駐足觀賞，在另一棵樹蔭下稍歇小睡，再選其他樹下高歌起舞，壞一點你可隨手摘朵花、嚐個果，看似很自由、很多選擇。可是，你只是森林裡的遊客，森林裡的樹木並不從屬於你。 選擇栽種一棵樹苗，你先衡量家園的空間、你能花的時間心力，再費勁把樹苗移來，每天灑水、施肥、除蟲。樹的形態、強壯與否，有你的參與，有你的經營，有你的付出，有你的期待。長出的花、結出的果，你是第一個知曉，是你努力的成果。這棵樹，專屬於你，不用擔心你有需要時樹蔭下卻有其他人佔用著。 那專屬的感覺，讓你願意為了尊重它、保護它而自我約束。 除了「為一棵樹放棄一片森林」的這句說話外，你有否聽過「一鳥在手勝過百鳥在林」？！
文：茉莉
明愛賽馬會婚姻培育計劃 -- 親密頻道
Comments