試當真：「一定係好愛，所以變得復雜。」

〈Intimacy Words 親密愛語〉

#親密愛語intimacywords

《試當真》停運直播中，老闆蘇致豪形容試當真「一定係好愛先至會咁複雜，然後唔知點解個愛會變成單單打打、憎恨，但係又會愛返」。同一句說話套落現實好多親密關係都通用。

每當我地好在意一個人，好重視一段關係，我地既愛會開始變成一個控制、一個佔有，甚至係一種恨 。好多時候不自覺地總會對身邊最親既人展露各種情緒，對最親既人特別抆，特別無耐性，特別情緒化。將最好既脾氣比陌生人，留低最差既脾氣比最親近既人。

親密關係復雜性令人驚，唔識處理，令我地陷入一個惡性循環。因為愛得太深，害怕失去對方，就開始用各種方式試圖掌控局面：check行蹤、stalk曬朋友圈子，甚至用情緒勒索逼對方順從。控制，其實源自內心既不安定——缺乏安全感、自我價值感唔夠穩固，總覺得如果唔捉緊，就會被拋棄。但諷刺嘅係，越控制越推開人，越想擁有就越空虛。

要打破呢個循環，首先要覺察自己既情緒源頭。問問自己：呢份愛係真心給予，定係出於恐懼？學會建立個人界線，畀彼此空間呼吸，同時培養獨立既自我價值。或許，真正嘅愛唔係佔有，而係互相支持，一齊成長。《試當真》最後正正提醒我地愛有多面性，愛係好複雜，但只要有意識地調整，關係就可以變得更健康、更持久。

文：星期三