親密對談- 情聖Round 噏

【免費活動】「親密對談- 情聖Round 噏  」網上傾談節目

咁快又新一年, 大家最近過成點呀?

「親密對談- 情聖Round 噏  」 已經有一年無見大家, 今年繼續同大家激烈討論各種大家都關心嘅  兩性情感關係大議題,探討現代人對情感世界及親密關係嘅看法，拆解當中嘅情緒流動，梳理係關係中人嘅內心需要。

今年我哋透過與唔同經歷同背景嘅社工交流, 以自身加上兩性工作嘅經驗分享當中嘅內心感覺同諗法, 我哋同大家一起探索當中情感關係中嘅需要，或許當中你都唔難發現到自己嘅身影。

日期：13/3/2024(三), 17/5/2024(五), 19/7/2024(五), 22/11/2024(五)

時間：7:30-9:30pm

對象：有興趣探索唔同情感關係嘅你

收費：免費

報名 : https://forms.gle/hbeHQT3WzGWpEKad8

形式: 網上Zoom

主辦單位：明愛家庭服務–親密頻道

*可按興趣和時間選擇單次或多次節目

* 觀眾無需開鏡頭、咪

注意: 此傾談節目雖全社工陣營, 但非行專業講解路線, 如大家想睇到更多真實(可能主觀hahaa) 嘅感覺、諗法及有趣角度時, 十分歡迎你加入收聽

====================================

第1場出軌這回事:精神出軌?肉體出軌?微出軌?

13/3/2024(三)

「出軌」隨住時間發展得愈嚟愈日新月異同多元化。 傳說中, 女人出軌通常都喺會番唔到轉頭, 而男人出軌只要女方肯俾機會就可以番轉頭。咁究竟男同女對出軌嘅定義同界線有無分別呢? 大家各自又諗緊啲咩呢? 又據說, 男人可以只係下半身出軌 (肉體出軌), 而女士一出軌就一定係「全身」出軌 (肉體與情感出軌), 事實喺咪可以咁呢? 大家喺咪又可以純粹肉體出軌, 而控制到情感唔出軌? 原來距離出軌, 仲有「微出軌」存在?! 出軌後究竟可以點處理好? 呢一集我哋分別從男女性嘅角度上一齊傾吓大家會點睇「出軌」,而大家嘅睇法又會唔會好唔同?

====================================

第2場男女攻防戰:從文字至約會有無必勝秘訣?!

17/5/2024 (五)

人愈大, 圈子愈嚟愈窄, 有時日常生活好難識到新異性, 終於遇到個自己有興趣了解、發展嘅對象, 但有時不得不承認嘅係同異性建立關係真喺幾大挑戰...同異性網上初相識第一句應該點講先可以嘅對方心中留下好印象?同異性傾計、相處、發展唔想俾對方reject又有無秘訣? 終於約到見面, 但見完一次後就總喺無下文, 究竟衰邊範? 點樣可以引起異性對自己嘅興趣?一直相處又傾得幾好喎，又突然間無左聲氣?! 係男女眼中, 同異性相處時有咩加分與扣分位? 有無咩Kam嘅經歷大家都好有共鳴?

呢一系列我哋會一一為你仔細拆解 ! 大家咪走寶

====================================

第3場閃婚VS愛情長跑: 究竟步入婚姻有咩關鍵要諗?

19/7/2024(五)

有人話閃婚嘅婚姻一定唔會長久, 識左咁短時間就結婚邊度穩陣㗎? 但愛情長跑先結婚又喺咪美滿婚姻嘅永久保證? 有人識左半年就結婚, 一直至今可以維持十年, 但亦有人同另一半拍拖長達十年後結婚, 點知結婚一年後卻離婚 。咁究竟時間喺咪一個步入結婚中最重要嘅因素? 定有其他因素先喺最重要? 究竟咩叫時間長, 咩叫時間短? 喺咪要了解一個人夠耐先可以結婚? 咁究竟要了解一個人啲咩, 要了解幾多先可以有信心去步入下一個人生階段? 拍拖拍得長, 喺咪下一個階段就一定要結婚呢? 點解自己明明好了解對方, 但要步入婚姻我就咁猶豫嘅, 究竟我猶豫緊啲咩?  面對各種愛情關口, 而你又會點選擇呢?  究竟步入婚姻有咩關鍵要諗?

===================================

第4場拍拖擇偶攻略:點樣揀一個啱自己嘅人?

22/11/2024(五)

諗結婚太遠了...有時我哋單身時其實都好迷失、困惑, 特別係經歷多幾次感情後、遇到好似幾啱嘅人...但自己其實好驚後來都係唔啱、會受傷...因為自己尋尋覓覓都攰,...係拍拖階段, 我點樣揀一個啱自己嘅人? 有無咩標準/ 細節幫自己睇? 我可以點樣知道自己真正需要啲咩?